Мал айдап бара жатып дайрага түшүп кеткен кишини издеп жатышат

Өзгөн районунда 20-май күнү саат 17:00 чамасында Мырзаке айыл аймагынын Адыр айылынын тургуну Өзгөн-Кара-Шоро жолунун 57-чакырымында мал айдап бара жатып аты менен Жазы дарыясына түшүп кеткен. Бул тууралуу Өзгөчө кырдаалдар министрлигинин басма сөз кызматынан кабарлашты.

Издөө иштерине КР  ӨКМнин өрт-куткаруу бөлүмүнөн 3 куткаруучу, КР ӨКМнин Республикалык өзүнчө куткаруу отрядынын 6 суучулдар тартылган, бирок табылган жок. Издөө иштери уланууда.