Кубадагы учактын эмнеден улам кырсыкка кабылганы белгилүү болду

Кубада кырсыкка учураган учактын бортунда 110 адамы бар “Boeing 737” учагынын эмнеге кулаганы белгилүү болду. Бул тууралуу "Риа Новости" агенттиги билдирет.

Учактан техникалык кемчиликтер табылган. Борт инженеринин айтуусу боюнча, ал учак кырсыкка учурагандан бир нече мүнөт мурун экипаж мүчөлөрү менен сүйлөшкөн. Ошондой эле, асманга көтөрүлөрдүн алдында да кездешип, сүйлөшүшкөн экен.

"Аларды эми көрө албай турганын өкүнүчтүү. Мунун бардыгы техникалык кемчиликтердин себебинен болду", - деди инженер.

Ал эми учактын кысымын оңдоп турган куралды адситер адгы табыша элек.

“Boeing 737” учагы техникалык кемчиликтер менен кырсыкка учураган эле. Анын экипажда жалпы 110 адам болгон. Кайгылуу окуядан үч жүргүнчү аман калганы менен, андан кийин эки адам да көз жумду.