Муфтийдин кызматтан кетишин талап кылышты

 Коомдук активисттер муфтий Максат ажы Токтомушевдун кызматтан кетишин талап кылышууда. Бул тууралуу алар бүгүн, 14-майда Бишкекте болгон басма сөз жыйынында билдиришти.

 Алардын айтымында, муфтий КМДБда коррупциялык иштерди токтото албай жатат.

“Мисалы, азыр ажыларды тобуна башчыларды тандоо жүрүп жатат. Бизге белгилүү болгондой ал жерге тааныштарын гана алып жатышыптыр. Баардыгы болуп 160 орун болсо Максат ажы жеке өзү 50 орунду бөлүштүрөт”,-деп билдирди басма сөз жыйынында укук коргоочу Келдибек Аскаралиев.