Чынгыз Айтматовго «Өзбекстандын эл жазуучусу» наамы берилеби?

Ташкентте Чынгыз Айтматовго «Өзбекстандын эл жазуучусу» наамын берүү сунушталды. Белгилүү өзбек адабиятчысы, «Манас» эпосун  өзбек тилине которгон жана изилдеген,  «Өзбекстан-Кыргызстан» достук коомунун аткаруучу директору  Зухритдин Исамутиновдун демилгеси менен жүзөгө ашырыла турган сунушка байланыштуу ал: «Адамзаттын рухани маданиятын, өзбек көркөм адабиятынын өнүктүрүүгө, ошондой эле, дүйнө элдеринин арасындагы достукту бекемдөөгө кошкон салымы үчүн Чынгыз Айтматовго «Өзбекстандын эл жазуучусу» наамын берүү адал болот эле», – деди.

Эскерте кетсек, президент Шавкат Мирзиёев улуу жазуучу Чынгыз Айтматовдун 90 жылдыгын Өзбекстанда өткөрүү тууралуу сунушту кабыл алган эле.