Өлүм алып келген жол кырсыгы. Бишкекте өспүрүмдү унаа менен койдуруп кетишти

Бишкекте өспүрүмдү унаа менен койдуруп кетишти. Бул тууралуу Barometr.kg сайтына Бишкек шаардык ички иштер башкармалыгынан басма сөз кызматкери Таалайбек Бугубаев билдирди.

 Кечээ, 10-майда болжол менен саат 22.00дө Кудайберген базарынын аймагында, Патриса Лумумба көчөсүндө өлүм менен аяктаган жол кырсыгы катталды.

“Окуянын күбөлөрүнүн айтымында, Mersedes Benz үлг үсүндөгү унаа катуу ылдамдыкта келе жатып 2001-жылы туулган, Бишкектеги №42 мектептин 8-классынын окуусун сүзүп кеткен. Ооруканага бара жаткан жолдо өспүрүм каза тапты. Учурда унааны кармоо иши жүрүп жатат. Айдоочуну издеп жатышат”,-деп айтты ал.

Эскерте кетсек, кечээ Бишкек шаарындагы ТЭЦ аймагында мектепте окуган кызды унаа сүзүп кеткен.