Өзгөн районунда кайрадан жер көчкү түшүп, 45 үйдү басып калды

Ош областынын Өзгөн районунда  жер көчкү түшүп, 45 үйдү басып калды, электр түркүктөрү кыйрады. Бул тууралуу ӨКМнын басма сөз кызматынан кабарлашты.  

10-майда Жалпак Таш айыл окуругуна караштуу Курбу - Таш  жана Маркс айылдарынын ортосунда болгон жер көчкү 45 үйдү, акушердик пунктту, мечитти, электр түркүктөрүн, айылдын көрүстөнүн жана мектептин фундаментин басып калган.

 Маалыматка таянсак, жер көчкү түшкөн аймакта 4 социалдык объект жана 61  турак үй жайгашкан. “Топурак жылып жатат жана ал дайыма байкоодо болууда”,-деп айтылат маалыматта.