Бишкекте кассадан 500 доллар алып кеткен аялды издеп жатышат

 Бишкекте алмаштыруучу жайдын кызматкери акча алмаштырганы келген аялга 250 доллардын ордуна 500 доллар берип салган. Бул тууралуу соцтүйүндүн колдонуучусу маалымдады.

“Кечинде жумушка бейтааныш аял келип 250 долларды алмаштырууну сурады, биз кокусунан биз 500 доллар берип алдык. Тилекке каршы, ал акчаны алып кетип калыптыр. Видеодо аял эмнеге көп акча бергенди түшүнбөй жатканын көрүүгө болот. Адамгерчилик кылат го деген ойдобуз? Бул аялдын паспорт маалыматтары жок”,-деп жазды акча алмаштыруучу жайдын кассири.