Төрт миң долларды көзүнүн формасын өзгөртүүгө жумшады

Отуз жаштагы Лос-Анджелестик айым өзү каалаган келбет үчүн 35 миң доллардан ашык каражат жумшаган. Теги кытайлык болгону менен европалыктарга окшошууну каалаган. Айтымында өңүн өзгөртүүчү дарыларды сайдырганы ага чоң жардам болгон. Анткени келбетинен улам кемсинип келген. 

“Мен үчүн Барби сулуулуктун эталону. Учурда көптөгөн куурчактар бар. Бирок мен классикалык Барбинин келбетин тандагам. Бул операцияны алты жыл күттүм”,-деген Офелия Ванити көзүнүн түсүн жана башка көптөгөн өзгөрүүлөр үчүн ал дагы башка операцияга кирерин билдирген.