Жер алдында өсүп, 150 жылдан бир гүл ачкан сыйкырдуу гүл табылды

Борнео аралындагы тропикалык токойлордо 150 жылда бир гүлдөй турган Thismia neptunis өсүмдүгүн табышты. Бул тууралуу  Phytotaxa журналында жарыяланды. 

Thismia neptunis-таң калыштуу гүл. Көп жылдар бою ал жер алдында  өсүп турат жана гүлдөөрүнө бир нече апта калганда гана топурактын кыртышынан көтөрүлөт. Ошондой эле анын бийиктиги 9 сантиметрди гана түзөт.   

1866-жылы италиялык ботаник Одоардо Беккари Малайзиядан бул гүлдү таап жана аны жаңы түр катары документке тиркеген. Ошондон бери гүлдү эч ким көргөн эмес.

2017-жылы Чехиянын окумуштуулар тобу Thismia neptunis гүлүн кокусунан таап алышты.

“Бул аңызга айланган гүлдү алгачкы жолу сүрөткө тартып жатабыз”,-деп жазды журнал.