Чүй областында 30га жакын үйдү суу каптап кетти

Чүй областында  агын суунун жээкке чыгып кеткенине байланыштуу отузга жакын үйдү суу каптап кетти. Бул тууралуу ӨКМдан кабарлашты.

Дайрадан аккан суу Бер-Булак, Горная Маевка, Прохладное, Беш-Күңгөй, Кызыл-Бирлик, Кегети жана Степное айылдарындагы турак-жайларды каптаган.

Учурда бул аймактарда ӨКМнын куткаруучулары жана жергиликтүү тургундар иш алып барып, сууларды сордуруп чыгарышууда.