Бишкекте бычак менен коркутуп дүкөнчүнү тоноп кеткен кыздар кармалды

Бишкекте соода дүкөнүн тоноп кетүүгө шектелген үч кыз кармалды. Бул тууралуу Бишкек шаардык ички иштер башкармалыгынын басма сөз кызматынан кабарлашты.

Каракчылар дүкөнчүгө 10-февралда кол салышкан.

Үч кыз сатып алуучу катары дүкөнгө киришип, сатуучуну бычак менен коркутуп анын беш миң сомун жана Samsung S4 телефонун тартып алышкан.

Бул ишке шектүү 1997-жылы туулган Т. кызы С., 1999-жылы Ы. Ж., 2000-жылы Т. кызы Г. кармалды. Кыздар камакка алынды.