Кыргыздар Түркиянын сериалын таанымал кылып жатат (видео)

Түркиянын “Өлүмдөн кайткан Эртугрул" сериалы учурда абдан таанымал болууда жана аны ушунча таанымал кылган Ван провинциясындагы  кыргыздар жашаган Улу Памир айылынын каада-салты, маданияты болууда.

Сериалда кыргыздардын улуттук атрибуттары, кийимдери, каада-салты чагылдырылып, аталган сериал чыккандан кийин вандык кыргыздарга карата Түркияда чоң кызыгуу пайда болгон.

“Ван провинциясындагы Эрциш районунун Улу Памир кыштагында жашаган кыргыздардын колдонгон салттуу буюм-тайымдарына, тагынган шөкөттөрүнө, кийимдерине окшоштуруп тапшырык берүүчүлөрдүн саны көбөйдү. Буга сериал жаңы дем берди”,-деп атылат бул тууралуу тартылган видеодо.  

“Өлүмдөн кайткан Эртугрул" сериалында 1198-1281-жылдарда Осмон династиясын түптөгөн түрк башчыларынын бири тууралуу баяндалат.