Башка бирөөнүн паспортун көрсөтүп өткөн кыргызстандык кармалды

Чек арачылар “Ак-жол – Автожолу” көзөмөл-өткөрүү бекетинде мамлекеттик чек арадан мыйзамсыз өтүүгө аракеттенген кыргызстандыкты кармашты. Бул тууралуу Мамлекеттик чек ара кызматынын коомчулук жана ЖМК менен байланыш бөлүмүнөн билдиришти.

Паспорттук текшерүүдөн өтүп баратканда, 1980-жылы туулган Э.Р. аттуу жаран кызматкерлерге бөлөк бирөөнүн паспортун көрсөткөн. Бул жаран буга чейин Казакстандан депортацияланганы аныкталган.

Тиешелүү документтер толтурулгандан кийин, кармалган Э.Р. УКМКнын аймактык бөлүмчөсүнүн кызматкерлерине жөнөтүлгөн.