Бишкектеги №1 үй-бүлөлүк медицина борборунун башкы дарыгери иштен айдалды

Саламаттыкты сактоо министри Талантбек Батыралиев, Бишкектеги №1 үй-бүлөлүк медицина борборунун башкы дарыгери жана директорунун милдетин аткаруучу Айдарбек Шакировду иштен бошотту. 

Белгилесек, бүгүн, Бишкекте аталган медборбордун кызматкерлери №1 үй-бүлөлүк медицина борборунун жетекчисинин милдетин аткаруучуну кызматтан алуу талабы менен митинг уюштурушкан.

Батыралиевдин айтымында, Шакиров өзүнүн милдеттерин одоно бузганы үчүн Эмгек кодекси боюнча жумуштан алынган.

Ал белгилегендей, кызматтан бошотуу-Ленин райндук прокуратурасынын көрсөтмөсү жана министрликтин комиссиясынын чечиминин негизинде ишке ашырылган.