Чүйдө унаадан өрт чыгып, толугу менен күйүп кетти

Чүйдө жеңил унаадан өрт чыгып, толугу менен күйүп кетти. Бул тууралуу ӨКМнын маалыматына таянып “Барометр” билдирет.

Маалыматка ылайык, кырсык 1-декабрь күнү Чүй облусунун Аламүдүн  районуна караштуу Ленин айылында болгон.

ӨКМга Алма-Ата көчөсүндө унаадан өрт чыккандыгы тууралуу маалымат түшкөн.

“Жерине №1ӨКБдан бир өрт өчүрүүчү бөлүм тартылып, саат 12:13 чектөөгө алып, толук саат 12:16 өчүрүлдү.  

Жолдун боюнда “Фолксваген гольф” үлгүсүндөгү жеңил унаа толугу менен күйгөн.

Жабыркагандар жок, учурда өрттүн себеби такталууда”, -деп айтылат маалыматта.