Чүйдө, Беш-Күңгөй айылынан дачалардан өрт чыкты

Чүйдө, Беш-Күңгөй айылынан эки турак үй, бир үйдүн чатыры күйүп кетти. Бул тууралуу ӨКМдин басма сөз кызматына таянып "Барометр" билдирет. 

 "Кечээ, 20-апрелде Чүй облусунун Аламүдүн районундагы Беш-Күңгөй айылында жайгашкан дачада №1 тилкесинде жалпы аянты 50 чарчы метр турак үй толук,  

№2 тилкесинде 15 чарчы метр жыгач үй толук, №3 тилкеде жыгач устундуу тунике жабылган турак үйдүн 45 чарчы метр чатыры жана 2 300 чарчы метр куураган чөп, камыш күйгөн. Өрттү өчүрүүгө 3 өрт өчүрүүчү бөлүм тартылган. Өрттүн келип чыгуу себептери такталууда",- деп айтылат маалыматта.