Бишкекте турак үйдөн өрт чыкты

Бишкекте турак үйдөн өрт чыкты. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, борбор калаанын Октябрь районундагы Бектенов көчөсүндө жайгашкан турак үйдөн өрт чыккандыгы тууралуу маалымат түшкөн.

"Өрттү өчүрүүгө саат 14:01де Октябрь райондук №5 ӨКБдан 2 бөлүм тартылган. Тилсиз жоо саат 15:06да чектөөгө алынып, 16:10до өрт толук өчүрүлгөн.

Такталган маалымат боюнча турак үйдүн 300 чарчы метр жыгач устундуу темир менен жабылган чатыры жана ага жанаша жайгашкан очоканасы толугу  менен күйүп кеткен. Бактыга жараша жабыркагандар жок. Учурда өрттүн келип чыгуу себеби такталууда", -деп айтылат маалыматта.