Бүгүн өлкөнүн көпчүлүк аймактарында күн жылуу болот

Кыргызгидромет борборунун маалымдашынча 22-февралда өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

Абанын температурасы Талас өрөөнүндө +1 градус, ал эми Чүй, Ош, Баткен жана Жалал-Абад областтарында +5 градус жылуу болот.

Ысык-Көл аймагында -3, Нарын жергесинде -9 градуска чейин суук болору айтылды.

Ал эми Бишкек жана Ош шаарларында жаан-чачын күтүлбөйт. Абанын температурасы Ош шаарында +4, Бишкекте +3 градус болору болжолдонот.