Баткендин Суу-Башы жана Кыштут айылдарына өзгөчө кырдаал режими киргизилди

Баткендин Суу-Башы жана Кыштут айылдарына өзгөчө кырдаал режими киргизилди. Бул тууралуу ӨКМнын маалыматына шилтеме берип “Барометр” билдирет. 

Маалым болгондой, 12-июнь күнү нөшөрлөп жааган жаандан улам Баткен районунун Суу-Башы жана Кыштут айыл өкмөтүнүн аймагында сел суулары келип, ӨКМ кызматкерлери жана район акими Жарандык коргонуу кызматтары менен кошо жеринде жумуш алып барып, түзүлгөн кырдаалга байланыштуу 2 айыл өкмөттө тең Өзгөчө кырдаал режими жарыяланган.

“Жарандык коргонуу кызматтарына тиешелүү тапшырмалар берилип, ар бир кызмат өз тармагы боюнча жумуш алып баруусу милдеттендирилген.

Кечээ, 15-июнь күнү Жарандык коргонуу башчысы-аким У.Жоробаевдин буйругуна ылайык, Кыштут жана Суу-Башы айыл өкмөтүнүн аймагында Өзгөчө кырдаал режими алынды”, -деп жазылат маалыматта.