Ашуудагы жолдордо кардын бийиктиги 35 смге жетти

2018-жылдын 14-ноябрындагы саат 10 карата  негизги автоунаа жолдорунда ашуулардагы  кардын бийиктиги 10-35смге чейин жетет. Бул тууралуу КР ӨКМдин басма сөз кызматы билдирет.

• Бишкек-Ош авто унаа жолундагы 121-128 чакырымдарында (Төө-Ашуу ашуусу) ашуунун түндүк тарабында кардын орточо бийиктиги 10-33 см, түштүк тарабында 132-137 чакырымдарында 15-62 см түзөт, жолдор тайгак болуп, муз тоңгон.
• Өтмөк-Талас автоунаа жолундагы 0-14 чакырымдары (Өтмөк) ашуусунда кардын орточо бийиктиги 12-35 см түзөт, жолдор тайгак, муз тоңгон.
• Бишкек-Ош авто унаа жолунун 198-265 чакырымдарында (Ала-Бел ашуусу жана Чычкан капчыгайы)жолдун айрым жерлеринде тайгак болуп муз тоңгон, кардын орточо бийиктиги 10-35 см түзөт.  
• Бишкек-Торугарт авто унаа жолундагы “Долон” ашуусунда кардын орточо бийиктиги 8-18 см түзөт.
• Каракол-Эңгилчек авто унаа жолундагы 55-92 чакырымдарында (Чоң-Ашуу ашуусу) кардын орточо бийиктиги  10-35 см түзөт, жолдордун айрым жерлери тайгак болуп муз тоңгон.
• Барскоон-Ак-Шыйрак автоунаа жолунунун Сөөк ашуусу  62-68 чакырымдарында кардын орточо бийиктиги 10-30 см  түзөт, жолдор тайгак болуп муз тонгон.
• Түп-Кеген автоунаа жолунун 43-76 чакырымдарында кардын орточо бийиктиги 10-32 см түзөт жолдор тайгак, муз тоңгон.
• Нарын-Казарман-Жалал-Абад  автоунаа жолунда кардын орточо бийиктиги 5-17см  түзөт.

Эске салсак, 12 ноябрда ашуудагы жолдордо кардын бийиктиги 70 смге чейин жеткен.