Онлайн кабыл алуунун II туруна катышкан абитуриенттерге эскертүү!

1-август, саат 17:00гө чейин II турда окуй турганыңызды тастыктаган абитуриент III турга катыша албайт. Бул тууралуу Билим берүү жана илим министрлигинин басма сөз кызматына шилтеме берип “Барометр” билдирет.

ЖОЖдорго онлайн кабыл алуунун II туруна катышып, анын жыйынтыгы менен окуу жай тарабынан тигил же бул адистик боюнча билим алууга сунушталган тизменин катарындагы абитуриенттерге эскертилет.

“Урматтуу абитуриент, сиз 1-август, саат 17:00гө чейин сунушталган окуу жайда билим ала турганыңызды тастыкташыңыз керек. Эгер сиз ал окуу жайда билим алуу оюңуздан кайтсаңыз, жиберген өтүнмөңүздү 1-август, саат 17:00гө чейин кайтарып алууңуз шарт. Бул учурда сиз III турга катыша аласыз”, - деп айтылат маалыматта.

1-август, саат 17:00гө чейин II турда окуй турганыңызды тастыктаган абитуриент III турга катыша албайт.