Бишкектин көчөсүндө эркек кишинин сөөгү табылды. Милиция маркумду таанууга көмөк сурдоодо

Милиция Бишкектин Лермонтов көчөсүндө табылган эркек кишинин сөөгүн таанууга көмөк сурайт. Бул тууралуу Бишкек шаардык ички иштер башкармалыгынан кабарлашты.

 Азиат түспөлүндөгү 40-45 жаштар чамасындагы белгисиз адамдын сөөгү 1-майда табылган. Ал спорттук күрмө кийип жүргөн.

Белгилери: бою болжол менен 170-175 см, дене түзүлүшү орто. Сол колунун ортонунда татуировка бар. Оң колунун баш бармагы жок.

Бул адам тууралуу билгендер болсо Свердлов районунун ички иштер башкармалыгына: (0312) 433275, (0772) 052000, (0552) 102517, (0707) 904433, (0773) 398585 телефондоруна байланышууну өтүнүштү.