Буюклянов: Уулангандардын абалы орто

Бишкектеги “Ала-Тоо” ресторанындагылар тоок этине ууланган. Бул тууралуу Бишкек шаардык санитардык-эпидемиологиялык борборунун башкы дарыгери Артур Буюклянов “Азаттыкка” билдирди.

Анын айтымында, тойго 190 адам катышкан.

- Уулангандардын абалы орто. Арасында жеңил жабыркагандар да бар. Учурда “Ала-Тоо” ресторанын текшерип жатабыз. Тамак-аш калдыктарын алдык. Баштапкы териштирүү боюнча адамдар тоок этине уланган. Текшерүүнүн жыйынтыгы боюнча ресторанга чара көрүлөт, - деди Буюклянов.