Атамбаев: караңгы күндөр келбеш үчүн мен саясатка кайтып жатам

"Мен саясатка караңгы мезгилдер кайтып келбеш үчүн кайтып жатам. Мен кааласам эч баш оорусу жок бийликте калат элем”,-деп билдирди экс-президент Алмазбек Атамбаев  бүгүн, 31-мартта болгон басма сөз жыйынында. 

Анын айтымында, ал саясатка кызматы үчүн кайтып жаткан жок.

“Мени президенттер гана эмес миңдеген адамдардан келген каттар менен макул кылышты. Бирок бизге туруктуулук керек”,-дейт ал.

 Атамбаев КСДП партиясын 2020-жылы боло турган шайлоого даярдоо пландары бар экенин да кошумчалады.