Бишкек-Ош жолунда кармалгандарга ысык-тамак берилип жатат

Бишкек-Ош жолундагы кар көчкүгө байланыштуу Чүй областындагы Сосновка жана Жалал-Абад областындагы Арал бекетинде жылынуу жана ысык-тамак-аш берүү пункттары ачылды. Бул тууралуу ӨКМ кабарлады.   

Аталган эки бекетке мобилдик үйлөр жана Суусамыр-Талас-Тараз унаа жолундагы Өтмөк ашуусуна бир чатыр тигилди.

Айдоочуларга жана жүргүнчүлөргө ысык чай жана тамак-аш берилүүдө.

Жол тазалоо иштерине 41 куткаруучу жана 5 техника тартылды.