15-март: абанын температурасы -3 градуска муздайт

15-мартта Кыргызстандын аймагында маал-маалы менен жаан жаап, Чүй, Талас өрөөндөрүндө жана тоолуу аймактарда кар жаайт. Батыш тараптан келген шамалдын ылдамдыгы секундасына 2-7 метрден, айрым жерлерде 15-20 метрге чейин жетет.

Абанын температурасы:

Чүйдө түнкүсүн 0...-5, күндүз -1…+4; Таласта түнкүсүн -1…-6, күндүз -1...+4; Баткен, Ош, Жалал-Абадда түнкүсүн 0…5, күндүз 3…8; Ысык-Көлдө түнкүсүн -3…+2, күндүз 1…6; Нарында түнкүсүн -1…-6, күндүз 0…5.

Бишкекте маал-маалы менен жаан жаайт. Абанын түнкү төмөнкү температурасы 0…-2, күндүзгү жогорку температурасы 1…3 градус болот.