Өзгөндө 14 киши салатка ууланып ооруканага жаткырылды

Өзгөн районунда 14 киши тамак-ашка ууланып ооруканага жаткырылды. Бул тууралуу Саламаттыкты сактоо министрлигинин басма сөз кызматы кабарлады.

Ботулизмдин белгилери менен келген бейтаптар ооруканага 12-13-мартта жаткырылган. Алардын төртөө жаш балдар.  

Алдын ала берилген маалыматтарга таянсак, жабырлануучулар үй шартында кышкыга жабылган салаттардан ууланган. Азыркы учурда тиешелүү лабораториялык текшерүү жүргүзүлүп жатат.