Ванна менен учуп дүкөнгө барган жигит элди таң калтырууда (видео)

Германияда демилгечилердин тобу учуп жүрө ала турган ваннаны жасап чыгышты. Алар бул тууралуу видеону YouTube каналына жайгаштырышкан.  

Төрт күндө аталган видео роликке 450 миңден ашык көрүүчү кирген.  

Видеодо көрүнгөндөй жаш жигит үйүндө тамактаныш үчүн сабиз жана бир пучок петрушка калганы көрүп короого чыгып, токтоп турган ваннага түшүп дүкөнгө учуп кеткени көрсөтүлөт. Ал талаанын, суунун үстүнөн өтүп дүкөн тарапка учуп барып конот. Видео роликтен көрүнүп тургандай ванна түрүндөгү бул учак көп аралыкка учары аныкталды.