Депутаттар таштанды челектерди кайтарып күзөткө турат

Депутаттарга таштанды жыйнагандарды дайыма кезек менен күзөтсүн деген тапшырма берилди. Бул тууралуу Zaxid.net булагы кабарлады.

Бул таң калыштуу буйрукту Украинанын Львов областынын Сколе шаарынын мэри Владимир Москаль берди. Ал жергиликтүү кеңештин депутаттары таштанды челектердин жанына нөөмөт менен туруп жакын жайгашкан айылдардан шаардык таштанды жайга таштанды алып келип жаткан адамдарды аныкташ керек деп чечти.

Москалдын айтымында, кыштак тургундары таштанды таштаган учурда Сколенин бюджети ай сайын чыгашага учуруп жатат, анткени башка райондордун жашоочулары таштандыны чыгарууга кеткен каражатты төлөбөйт.

Бирок мэр эмне үчүн бул ишке депутаттарды аралаштырып жатканын түшүндүргөн жок.