Гиннес китебине кириш үчүн Ала-Тоо аянтында бир тонна беш бармак жасалат

5-март - Ак калпак күнүнө карата Бишкектеги Ала-Тоо аянтында бир тонна беш бармак жасоо пландалууда. Бул тууралуу аталган иш-чараны уюштуруп жаткан “Кыргыз тилектештиги” уюму кабарлады.

Андан тышкары “Мен кыргызмын” деп аталган акция өткөрүлүп, ага 200 киши улуттук баш кийим менен катышмакчы.

Уюмдун максаты бир тонна беш бармак менен Гиннес китебине катталуу экенин уюштуруучулар маалымдашты.