Кыргызстандык спортчулар Олимпиадада кайсы күнү мелдешке чыгат?

Кечээ, 9-февралда Пхёнчхан шаарында XXIII кышкы Олимпиада оюндары башталды. Ага Кыргызстандын атынан эки спортчу- Евгений Тимофеев  жана Тариэль Жаркымбаев катышып жатат.   

Олимпиада башталарына бир күн калганда Тимофеев өзүнүн күйөрмандарына алдыда боло турган мелдештерге кандай даярдык көрүп жатканын көрсөткөн.

Евгений Тимофеев слалом жана гигант слалом боюнча оюнга катышууда, ал эми Тариэль Жаркымбаев классикалык спринт боюнча мелдешке чыгат.

Евгений Тимофеев 18-февралда – гигант слалом, 22-февралда – слалом боюнча мелдешке катышса, Тариэль Жаркымбаев кросс-кантри боюнча жарышка чыгат.