Кыргызстанда бүгүн эки ирет жер силкинди

Бүгүн Чүй областында саат 9.44тө силкинүү күчү 3,5 баллды түзгөн жер титирөө болду. Бул тууралуу ӨКМнын басма сөз кызматы кабарлады.   

Аталган маалыматка таянсак, силкинүү очогу Бишкек шаарынан 70 чакырым түштүк-чыгышта жайгашты. Пригородное айылында жер титирөөнүн күчү 3 баллды, Арпа-Тектир, Кегети, Кошой, Карагул жана Чоң-Жар айылындарында 2,5 баллды түздү.

Ал эми  саат 10.06да Жалал-Абад областында күчү 3 баллга жеткен силкинүү катталды.

Алдын ала маалыматтарга таянсак, кыйроолор жана курмандыктар жок.