Балдарга сүйүнчү 15-февралдан тартып бериле баштайт

Бала төрөгөндө берилчү сүйүнчү пул 15-февралдан кийин бериле баштайт. Учурда Социалдык өнүгүү министрлиги Мамлекеттик каттоо кызматы менен биргеликте аталган жөлөк пулду берүү механизмдерин иштеп чыгууда. Жыл башынан бери 270 билдирме келип түшкөн.

Кыргызстандыктар бала төрөлгөндөн тартып бир жыл аралыгында сүйүнчү ала алышат. Ар бир балага төрт миң сомдон берилет, ал эми бийик тоолуу аймактарда андан эки эсе көп төлөнмөкчү.