Үшүгөндөргө жаман кабар. Бишкек ТЭЦинде дагы бир авария катталды

Бишкек ТЭЦинде дагы бир авария катталды. Бул тууралуу “Электр станциялары” ачык акционердик коомунан кабарлашты.   

 60 миллиметрлик түтүк №24 котелду ишке кошо турган маалда жарылып кеткен. Учурда аны калыбына келтирүү иштери жүрүп жатат.

 Мындан тышкары №23 котлоагрегатты ишке кошууга даярдык  көрүлүүдө,  азыркы тапта түйүндөгү суунун жылуулугу 50-60 градусту түзүүдө. Чыңалган абал сакталууда.

 Эскертке кетсек, 26-январда Бишкек ТЭЦинде авария болгон. Учурда шаардыктар үйлөрү жылыбай жатканын айтып даттанышууда.