Бишкекте 15 киши сууктан тоңуп каза тапты

Бишкекте январь айында катуу сууктан 15 киши каза болду, негизинен туруктуу жашай турган жайы жоктор мерт болгон. Бул тууралуу Бишкек ШИИББсинин басма сөз кызматынан кабарлашкан.

«Өткөн апта ичинде үй-жайсыз 239 тургун табылган. Рейддердин жүрүшүндө жашай турган жери жок жарандар аныкталса алар дароо «Коломто» жана башка социалдык башпаанектерге жөнөтүлөт»,-деп ведомстводон белгилешти.

Эске салсак, Кыргызгидрометтин берген маалыматына ылайык, өлкөдө ушу таптагы аномалдуу суук аба ырайы 29-январга дейре созулат.