Сокулукта үйлөрдүн биринде меш жарылып, андан бир кыз жабыркады

Чүй областынын Сокулук районуна караштуу Романовка айылында турак үйлөрдүн биринде меш жарылып, анын кесепетинен бир кыз жабыркады. Бул тууралуу Өзгөчө кырдаалдар министрлигинин басма сөз кызматынан кабарлашты.

Белгиленгендей, жапа чеккен, 1996-жылы туулган Жанболот кызы Анаранын денесинин 65%ы күйгөн. Учурда ал оор абалда райондук ооруканада дарыланууда.