Ири өлчөмдө бажы төлөмдөрүн төлөөдөн баш тартуу фактысы аныкталды

Кыргыз Республикасынын Салык кодексинин 259-беренесине ылайык КНСти төлөөдөн бошотуу менен негизги каражат катары таризделген товарлардын импортун жүзөгө ашырган чарба жүргүзүүчү субъекттердин негизги каражаттарды максаттуу колдонуусун текшерүү максатында жүргүзүлгөн ыкчам издөө иш-чараларын жыйынтыгында, «Түндүк» Темир жол бажысынын кызматкерлери Экономикалык кылмыштуулукка каршы күрөшүү боюнча мамлекеттик кызматы менен биргеликте өзгөчө ири өлчөмдө - 77 165 930 сом суммада бажы төлөмдөрүн төлөөдөн баш тартуу фактысын табышкан. 

Бул факты боюнча чогултулган материалдар КР Башкы прокуратурасына берилди.