Москвада 5-кабаттан кулаган кыргызстандык аялды Бишкекке алып келишти

Москвада бешинчи кабаттан кулап түшкөн кыргызстандык жаран операция жасоо үчүн Бишкекке алынып келди. Бул тууралуу басылмалар билдирди.

Эске салсак, Москвада 29 жаштагы Жаркынай Юсупова батирде парданы түздөп жатып терезеден кулап кеткен. Кечээ, 20-январда, Бишкекке келген Жаркынайды аэропорттон түз эле Бишкек травматология жана ортопедия илимий-изилдөө борборуна алып кетишкен.

Ж.Юсупова Москвада 10 жылдан ашуун иштеп келген.