Жемиштерди документи жок жүктөп бараткан унаа токтотулду

Экономикалык кылмыштуулуктарга каршы күрөшүү боюнча мамлекеттик кызматынын кызматкерлери, «Түштүк» ыкчам бажысынын кызматкерлери менен бирге, тиешелүү документтери жок ташылып бараткан аткезчилик жүктү токтотушту.

Бул тууралуу ведомствонун басма сөз кызматы кабарлады.

11-январда, Оштогу Жапалак кыштагынын аймагында, Н.У. аттуу айдоочу айдап келаткан «Мерседес Бенц» үлгүсүндөгү унаа кармалган. Анын ичинде жалпы салмагы 5886 кг түзгөн жер-жемиш салынган куту аныкталган.

Түштүк аймак боюнча Соода-өнөр жай палатасынын жыйынтыгына ылайык, товардын жалпы наркы 400 000 сомдон ашкан.

Бул факт боюнча Кылмыш кодексинин 204-беренеси («Аткезчилик») менен иш козголуп, тергөө жүрүүдө.