Калыкбек Султанов өкмөт башчынын кеңешчиси болуп дайындалды

Премьер-министр Сапар Исаков Калыкбек Султановду өзүнүн кеңешчиси кылып дайындады. Өкмөт аппаратынын коомчулук жана ЖМК менне байланышуу бөлүмүнөн билдиришкендей, өкмөт башчы тиешелүү буйрукка кол  койду.

Эске салсак, буга чейин Калыкбек Султанов транспорт жана коммуникациялар министри, кийинчерээк Алмазбек Атамбаевдин кеңешчиси болуп иштеген, 2017-жылы президенттик шайлоо учурунда КСДП партиясынын Бишкек шаардык штабына башчылык кылган.