Дүйнөлүк көчмөндөр оюндарынын бренди талкууга түштү

Социалдык тармактарда колдонуучулар 2018-жылдагы III Дүйнөлүк көчмөндөр оюндарынын брендин алкуулап жатышат.

Эске салсак, буга чейин көчмөндөр оюндарынын катчылыгы иш-чаранын жаңы логотибин тааныштырган.

Авторлордун ою боюнча, күн түрүндөгү логотип бүткүл дүйнөдөгү көчмөн калктын жашоо философиясын символдоштурат.

«Күч бирдикте!» - дейт авторлор.

Бирок колдонуучулар логотиптен мындай философияны таба алышкан жок.

Колдонуучу Максат Чакиев мындай бренд көчмөндөрдүн филосиясын эмнеси менен чагылдырып жатат деп суроо салды.

Дагы бир колдонуучу логотипти Зума оюнуна салыштырды.