Сайкал Садыбакасованын тоюнда бийлеген Малика көпчүлүктүн талкуусуна алынды

Үстүбүздөгү жылдын 25-октябрында "Кыз бурак" тобунун аткаруучу директору Сайкал Садыбакасовага кайын журту кыргыздын салты боюнча сөйкө салуу жөрөлгөсүн жасашканы эсиӊиздерде болсо керек.

Ошондон бүгүнкү күнгө дейре эки тарап бир чечимге келип, алдыда боло турган тойго кызуу камданып келишти. Ал эми жаш жубайлардын өкүл ата-апасы болуп Асан Мансуров жана анын жубайы ырчы Самара Каримова шайланган. Ал эми эки жаштын заманбап үлпөт тою ушул жылдын 14-ноябрында Ош шаарында өттү. Эки жаштын тоюна Нуран Насип, Анжелика, Малика Дина жана башка кыргыз эстрадасынын белгилүү жылдыздары конок катары катышты. Өзгөчө тойдун көркүн ажарлуу ырчы Малика Дина өзүнүн бийи менен ачып, шаӊга шаӊ кошуп, келген коноктордун көӊүл борборунда болду.